Il sito dei butei

"Gavì da piantarla de mandarme cadene del porco... e simili, tipo che el mondo l'è belo ma solo se rispedisso tuto subito, se no son sfigà, come el negro de l'Alabama che no l'ha risposto a quatromilasinquesento imeil e no l'ha fato in tempo a dir "a" che l'era sa col vestito de legno (tradotto: morto e stramorto), o el cauboi John, tessano, che ghe cascà i maroni parche nol ga risposto etc etc.

Par no parlar de quei che me manda imeil disendome che sicome ghe un provaider (fatalità american) che par ogni imeil che ghe riva el da un centesimo in beneficensa ala lota contro la peste scaveona, e alora bisogna mandarghene a seci... me ga rotto i cojoni!

O staltro che el ga na fiola con na malatia rarisima che nissuni sa cosa l'è (sto qua el sta in missuri), che el te da anca el numero de telefonin parche te ghe telefoni ti (credeghe!) a darghe notissie su le cure possibili (che pò se te guardi le date te scopriressi che è passa almanco tri ani da che l'è partia la cadena quindi tanti auguri...). A mi te me vien a dimandar robe mediche, che stao in messo alle brechene e son gnanca bo de tacarme un ceroto?

Pò quei che me dise che ghe el virus de la posta eletronica che se non te ste atento te lo ciapi anca ti e l'è peso che andar co na nigeriana (e saven tuti a cosa se va incontro...), alora te ghe da riempir tuti de imeil etc etc...

Quei pò... che me manda la fotocopia del centro antitumori de Aviano dove i sensiati te dise che i ovi condii i fa vegner el cancro a l'usel... e che farse un sciampo l'è peso de fumarse tri steche de "ms sensa filtro".

Ancora quei contro i giaponesi, che secondo lori i metaria i gati e le butiglie, co l'urlo de bataglia "impenemoghe el sito!".....

Par non desmentegarme de ci me manda scrito che ghe quei dela Erisson che i da via i telefonini come i fusse bagigi e adiritura che lori i la proà e funsiona (!?!): basta "inviar el mesagio a tuti quei che te conossi" e te si a posto: tempo do stimane e te riva el sior Erisson, Mario J.J. Erisson in persona, aministrator delegato dela dita omonima o anonima, non me ricordo come se dise, il quale sa tute le meil che te mandi, e te porta sul porton de casa el scartosso col telefonin ultima generasion col Trial Band el giprrs e custodia de pitone ancora che el se moe...

A sto punto feme un piaser: mandime foto porno, film porno, barselete, putanade varie ma BASTA CO STE CADENE! Che n'altro po' e verso na feramenta e taco a vendarle!

Con la speranza che sta meil no la riva in luisiana a una che l'è drio farse i cassi soi...."